CEBU, Philippines – Nakarekober dayon ang Rich Media team gikan sa ilang kapildihan dihang ilang gipukan ang Mack Mayer Printers, 83-75, samtang ang Mandaue Jaycees Team A milubong sa Arcason& Sons Construction and Development Corp., 104-63 sa nagpadayong Jaycees Basketball Association (JBA) 2009 First Conference didto sa University of Southern Philippines Foundation (USPF) gym sa barangay Lahug, ning siyudad.
Gumikan niini, ang Rich Media ug Mandaue Jaycees-A nagsawo karon sa liderato sa managsamang 4-1 win-loss records.
Sikit kaayo ang kumbati sa duha ka kampo sa unang tulo ka kuwarter hangtod nga sila si Edmund Odulio ug Beboy Potencioso nanginit sa final quarter diin milusad kini og 21-14 rally aron ihatod ang Rich Media ngadto sa kadaugan.
Si Odulo maoy topscorer sa Rich Media nga mipabuto og 22 puntos, samtang si Potencioso midugang og 12 puntos.
Sila si John Sulay ug Voltaire Rosal mao sab ang nangulo sa Mack Mayer nga mipupo og 14 puntos matag usa. Sila si Kent de la Calzada ug Klein Baladya miani og 12 puntos matag usa alang sa pilderong koponan.
Sa laing bahin, si Joshua Lerio miposte og 24 puntos ug si Edgar Colina mitali og 22 puntos alang sa Mandaue-A.
Si Dexter So maoy nangulo sa Arcason sa iyang 20 puntos, gisundan ni Kent Kangleon nga adunay 15 puntos.
Puntos Matag Usa
Unang duwa:
Mandaue-A (104) - Lerio 24, Colina 22, Gamallo 13, Patindol 13, R. Latonio 12, Ylaya 11, Ong 5, E. Latonio 4
Arcason (63) - So 20, Kangleon 15, Hernandez 8, Tecson 7, Lim 5, Lee 4, Caya 2, Jumawan 2
Ikaduhang duwa:
Rich Media (83) - Odulio 22, Potencioso 12, David 11, Que 11, Mercado 10, Lo 8, Besanes 7, Sy 2
Mack Mayer (75) - Rosal 14, J. Sulay 14, Baladya 12, Dela Calzada 12, Laguna 7,Monreal 6, Chua 5, Porras 3, Barreto 2 – BANAT NEWS