CEBU, Philippines – Adunay ipahigayon nga 3-on-3 basketball tournament alang sa mga amahan karong Hunyo 20-21 diha sa Banilad Town Centre (BTC).
Ang kompetisyon nga himuon sa atubangan sa main mall entrance agi’g pagtimaan sa BTC sa Family Days atol sa Father’s Day Weekend.
Matud pa ni Ryan Expeditus Andales sa organizing Yamakage Promotions, nga ang knockdown eliminations himuon sa Hunyo 20 gikan sa alas-2 sa hapon.
Ang playoffs ug finals duwaon atol sa Father’s Day sa Hunyo 21 sa alas-10 sa buntag human sa Santos nga Misa diha sa alas-9 sa buntag.
Ang mga amahan mahimong moporma og koponan nga adunay tulo o lima ka sakop ug motigi sa tulo ka kategoriya -- Yuppies (21-35), Executives (36-50) ug Top Guns (51-above).
Ang deadline sa registration karong Hunyo 18. Alang sa dugang mga kasayoran, mahimong motawag sa 345-3260 o di ba 0919-4392889 ug 0917-3260018. – BANAT NEWS