Alelu's Friends misakmit sa open category title
CEBU, Philippines – Nangayo pa og duha ka overtime ang Alelu's Friends sa pagpilde sa J-Team, 107-105 aron malangkat ang open category title sa Fiesta Basketball League 2009 sa barangay Nangka sa Consolacion.
Sila si Lemuel Malagar ug Jerome Valle mihabwa og 27 puntos matag usa, samtang si Leemar Dahil mitimang og 21 puntos alang sa Alelu's Friends nga giporma ni Paul Alelu Q. Flores
Si Romar Ponce mibugha og 33 puntos alang sa J-Team, samtang si Ar-Ar Najarro miratsada og 23 puntos sa maong kaparotan.
Ang torneyo gipasiugdahan ni Bebot Gorgonio uban sa abag nilang Crispel Naya, Alex Ropal, Lolex Hortellano, Gulay Saavedra, Berto Gerundio, Ciano Tibon, Edgar Mangubat, Wilson Ramos ug Kael Pascua.
Nakakuha sab kini og suporta gikan sa Nangka barangay council ubos sa liderato ni Brgy. Capt. Rey Cataluña. Mihatag sab og suporta ang Nangka Police Auxillary pinaagi ni Hon. Reynaldo Gasal, ang committee chairman alang sa kahapsay ug kalinaw.
Ang mga duwa gidumala ni commissioner Hon. Neil S. Congson.
Puntos Matag Usa
Alelu’s Friends (107) - L. Malagar 27, Valle 27, Dahil 21, Linao 12, Medida 10, Cejas 5, Malagar 5
J-Team (105) - Ponce 33, Najarro 23, Ponce 13, Daligdig 12, Matbagon 6, Ramos 5, Gorgonio 5, Pascua 5, Congson 3 – BANAT NEWS
- Latest
- Trending
