DanaÂÂÂo host sa Filipino Airsoft semisÂ
CEBU, Philippines - Ang Danao City Airsoft Group Inc. mo-host sa Filipino Airsoft Visayas Semifinals-Elimination karong Hunyo 7-8 diha sa Ramon Durano Sr. Sports Complex.
Kapin sa 50 ka teams gikan sa nagkadaiyang bahin sa Kabisay-an ang nagparehistro, apan 14 lang ka koponan ang gitugotan nga mosalmot sa elimination ning maong kompetisyon nga gisuportahan sa Filipino Airsoft (FAS) ug Airsoft Federation of Cebu (AFOC).
Kini mao ang Deep Recon, Mandaue Airsoft Group, Crack Legion, Team Yawcoy, Trident Knights, NSW8 Cast, S.S.A.T., Tango Down Elite, Red Arms Stallion, Team L.T.D., Black Aces, N.A. S. L. sa Bacolod City ug ang Team Cobra.
Unom ka teams ang hashasan pinaagi sa single round robin competition. Ang teams subling magtigi unya sa Hulyo 25 alang sa Visayas Championships.
Ang modaog nga koponan maoy morepresentar sa Visayas alang sa Filipino Airsoft 2009 nga ipahigayon dinhi sa Sugbu karong Nobiyembre 28.
Sa laing bahin, ang Danao Airsoft Group mohatag og plaque of recognition ngadto ni Cebu 5th district representative Ramon ‘Red’ H. Durano tungod sa iyang walay pagpanuko sa pagsuporta sa team ug sa tanang airsoft tournament nga gipahigayon sa maong distrito. – BANAT NEWS
- Latest
- Trending
