Naga sports festival gibuksan

CEBU, Philippines - Isip usa sa komponent sa 15 point agenda sa Vision and Leadership (VAL) 2020 Program ubos sa pamunoan ni Mayor Valdemar M. Chiong ug sa pagbulig sa Sangguniang Panglungsod ni Vice Mayor Delfin R. Señor ug DepEd Naga, nagpasiugda og Naga Summer Sports Festival 2009.

Tumong ug tuyo niini mao ang pagpalambo og sportsmanship tali sa mga batan-on nga mahigugmaon sa paugnat sa kusog sama sa basketball, baseball, chess, volleyball (hardcourt ug beach volley), lawn tennis ug badminton.

Ang kalihukan gisugdan sa usa ka parada libot sa nag-unang mga dalan sa Naga ug gitapos didto sa St. Francis Ocean Park.

Mao kini ang unang higayon nga ang beach volleyball sa mga kababayen-an gikan sa mga kalungsoran ug dakbayan giapil sa sportsfest.

Duwaon kini matag adlaw'ng Sabado ug Domingo diha sa bag-ong nahuman nga beach volleyball court, tapad sa Mayor Enan M. Chiong Memorial Stage. - PR/Quir L. de Gracia (BANAT NEWS)