CEBU, Philippines - Nakawang ang 26 puntos nga nahipos ni Hans Timoy sa St. Jude kay gipukan kini sa Cherelle, 89-85 sa pagpadayon sa Barangay Sambag I Summer League diha sa barangay Sambag I covered court.
Si Alvin Kida maoy topscorer sa Cherelle pinaagi sa iyang 20 puntos. Si J. Galang miamot og 15 puntos, samtang si Bumer Sotapas miabuno og 10 puntos alang sa Cherelle, kinsa miabante og singko puntos paghuman sa first quarter, 25-20. Hinuon ang maong labaw nakan-an sa St. Jude ngadto na lang sa tres puntos, 44-47 sa halftime.
Nahimong kulbahinam ang duwa dihang nagkatabla ang iskor, 56-all sa nahabiling 4:16 sa third period. Nailog sab hinuon sa Cherelle human sa lay-up ni Galang sa nahabiling 0.7 segundo paingon sa final quarter 67-65.
Gikan didto wala na molingi pa ang Cherelle sa naggukod nga St. Jude hangtod nga nahuman ang duwa.
Puntos Matag Usa
Cherelle (89) - A.Kida 20, J. Galang 15, B. Sotapas 10, B. Limaw 5, R. Uwak 5.
St. Jude (85) - H.Timoy 26, R. Alves 12, M. Gordi 8, J. Sala 8, M. Godina 5. - Lemuel P. Maglinte (BANAT NEWS)