Tuburan kampiyon sa PJ Cup

CEBU, Philippines – Ang Tuburan mi-iskor og 60-59 nga kadaugan batok sa Balamban sa tinaktakay nga Game-3 sa ilang finals showdown aron pagsakmit sa korona sa 1st Congressman “PJ” Cup 3rd District Inter-Barangay Captain Basketball League didto sa Tuburan Municipal gym sa sayo pa, ang Asturias mimasaker sa Barili sa iskor nga 64-49 aron pag-angkon sa ikatulong dapit.

 Tungod sa maong kadaugan, ang Tuburan mibulsa og P100,000 nga ganting cash ug laing P100,000 nga nagkantidad sa mga proyekto alang sa ilang lungsod.

Ang Barili, Toledo City, Pinamungajan ug Aloguinsan nga pulos wala maapil sa top four nakadawat og P30,000 nga consolation prize matag usa.

Ang awarding ceremony nga natumong sab sa ika-42 nga adlaw’ng natawhan ni Rep. Pablo John Garcia didto sa Capitol Social Hall, gitambongan ni Gov. Gwen Garcia ug inila ug ambongang aktor nga si Christopher ‘Boyet’ de Leon.

Mitambong sab ang mga mayor, mga bise mayor, konsehales, mga barangay kapitan ug mga barangay councilors.

Puntos Matag Usa

Tuburan (60) - Coles 12, Sayson 10,Durano 7, Montebon 7, Laurel 7, Dela Cerna 7, Bayo 5, Pesalber 3, Malinao 2

Balamban (59) - Baliguat 13, Buot 12, Traya 9, Lomakang 9, Longakit 7, Compacion 6, Baskar 3 – BANAT NEWS