CEBU, Philippines – Malaumon ang mga sertipikadong arkitekto dinhi sa Sugbu nga molig-on pa ang ilang panag-uban pinaagi sa pagpahigayon sa labing unang United Architects of the Philippines (UAP)-District C1 Sportsfest 2009 karong Domingo diha sa City Sports Club-Cebu sa Cebu Business Park.
Dul-an sa 100 ka architects gikan sa nagkalain-laing UAP chapters niining bahin sa kapupud-an ang gilauman nga mopakita'g aksiyon ug magtigi sa isig usa'g-usa sa upat ka events - badminton, bowling, billiards (9-ball) ug 3-on-3 basketball.
"Our main purpose in holding this event is to promote fellowship and camaraderie among architects in Cebu through physical fitness," matud pa ni tournament chairman Jay-R Decatoria atol sa press conference niadtong miaging adlaw diha sa Red Moon Cafe sa barangay Banilad, ning siyudad.
Sa iyang bahin, si UAP District Director Alan G. Choachuy, nagkanayon nga naglaraw sila nga himuon ang sportsfest nga tinuig nga kalihukan sa tuyo nga makatabang sa pagpalambo sa healthy lifestyle ug balanced physical well-being sa tagsa-tagsa kanila.
"This is really our plan to put together all our sporting events to make the competition more exciting because more architects will be able to participate. We will hold this on a yearly basis,” matud ni award-winning sportsman nga si Choachuy.
Ubang mga sakop sa local media ang gidapit sa pagsalmot sa usa ka adlaw nga kompetisyon nga gipaluyohan sa Boysen Paints.
Alang sa dugang mga kasayoran, mahimong mokontak ni Decatoria sa 927-7916532/0922-4779290 o di ba ni Raya Espinosa sa 0919-4255935/0923-2515731.
Lain pang mahimong kontakon mao sila si Peter Bordador (0922-5520110) alang sa billiards, Christopher Dy (0917-3255880) sa bowling, Dennis Mayo (0915-5754369 or 0922-8317980) sa badminton ug Paolo Alberto (0917-5091468) sa basketball.
Ang registration nagkantidad og P100 matag magduduwa. – BANAT NEWS