CEBU, Philippines – Napulo’g-tulo ka airsoft teams ang magtigi sa “2nd Mayor Jonas Cortes Airsoft Competition” karong adlawa diha sa Rodeo Arena, Mandaue City.
Giulohan og “Operation Irene, A Black Hawk Down Prequel,” ang duha ka adlaw nga gubat gipasiugdahan sa Mandaue Airsoft Group sa koordinasyon sa Mandaue Chest Foundation.
Ang gubat sugdan sa alas-8 sa buntag.
Matud pa ni Manolito Jose Langub, ang bise presidente sa Mandaue Airsoft Group, nga ang competing groups mo-rescue sa ilang mga sakop nga naa sa sulod sa unom ka “kill houses.”
Ang mga partisipanteng koponan pangulohan sa defending champion Crack Legion, Globe-Petron Alliance, Team Overknights, Team SCAR, Team TAT, Team Claw, Team BOA, Team RAS, Team TW-9, Team SMAG, Team WRT, Tiyo ARMS ug Team ATF.
Matud pa ni Mandaue City Mayor Jonas Cortes nga ang pagpahigayon sa airsoft competition nakapahimo sa Mandaue isip sentro sa outdoor sports. – BANAT NEWS