Orillaville solo lider karon sa FYA

CEBU, Philippines - Nasakmit sa Orillaville ang solong liderato human sila maka-ipsot batok sa Heartfelt sa iskor, 88-84 kaniadtong Huwebes atol sa nagpadayong F. Llamas Youth Association (FYA) 1st Vice-Mayor Mike Rama Cup basketball tournament didto sa Vicente Sotto Memorial Gym sa barangay Punta Princesa, ning dakbayan.

Gipangulohan ni Ryan Villaver ug Kikoy Maucesa ang opensa sa Orillaville pinaagi sa pagkumboya og masipang 45 puntos—24 ug 21 puntos matag usa kanila samtang si Chissar Llegunas midugang og 17 puntos.

Pakyas ang pagbalik ni Tata Laborte kay wala makatabang ang iyang 18 puntos ug ang iyang manghod nga si Nico Laborte mi-iskor ug 14 puntos.

Ang Orillaville aduna na karo’y 4-1 nga baraha samtang midailos ang Heartfelt ngadto sa 3-1 nga baraha.

Sa laing duwa, gisikop sa Criminal Intelligence and Investigation Bureau (CIIB) ang Jayra sa iskor, 108-96 aron pagsakmit sa ilang ikatulong daug sulod sa lima ka duwa.

Si Arnel Maglinte maoy nangu sa CIIB sa iyang 25 puntos ug si Roy Veloso midugang og 21 puntos. Ang Jayra naghupot na karon og 2-3 nga baraha.

Puntos matag usa:

First Game:

CIIB (108)——— Maglinte 25, Veloso 21, Capangpangan 15, Ylanan 14, Aldemita 10, Ybañez 10, Plasus 4, Maucesa 2

Jayra (96)——— Manubag 24, Rollon 18, Pacaña 17, Yalanan 14, Dela Mar 12, Salazar 7, Dumagsa 4

Second Game:

Orillaville (88)——— Villaver 24, Maucesa 21, Llegunas 17, Perez 10, Antiporta 9, Enriquez 5, Trinidad 2, Cadungog 2

Heartfelt (84)——— T. Laborte 18, N. Laborte 14, Cabigas 12, Abella 10, Arreglo 10, Basubas 6, Rama 6, Alob 6, Tan 4. - GGM (BANAT NEWS)