CEBU, Philippines – Pormal nga gilusad kagahapon ang “Running MAD for Wellness” kagahapon didto sa Lahug barangay hall.
Ang lumba nga gipasiugdahan sa barangay Lahug ubos sa liderato ni barangay captain Mary Ann de los Santos, himuon karong Mayo 24 diha sa University of the Philippines Visayas-Cebu College grounds.
Mitambong sa press conference mao sila si de los Santos, Sportswriters Association of Cebu (SAC) president John Z. Pages, race coordinator ug The Freeman sports columnist Raffy Uytiepo ug kanhi Tinago barangay captain Joel Garganera.
Ang lumba adunay tulo ka kategoriya -- 3K, 6K ug 12K. Bukas kini sa tanan nga mahiligon og dagan.
Mga tang-ang runners dinhi sa Sugbu sama nilang Leizl Lumindas-Getaruelas, Madelyn Carter, John Philip Duenas ug ang managsuong Eugene ug Joel Delposo ang nikompirmar sa ilang partisipasyon.
Modagan sab si ABS-CBN news anchor Atty. Haidee Acuña, Sambag I Brgy. Captain Jerry Guardo ug si Brgy. Captain De los Santos.
Ang registration fee nagkantidad og P100 libre na ang singlet. Ang registration areas mao ang Sambag I Brgy.Hall, Athletes Foot sa Ayala Mall, Holiday Gym and Spa, Waterfront Hotel and Casino ug sa Cebu City Sports Center. – BANAT NEWS