CEBU, Philippines – Upat ka teams ang gisubhan og daog pagsugod sa Pulpogan Motorcycle Owners and Drivers Association (PMODA) basketball tournament didto sa Brgy. Pulpogan gym sa Consolacion, Cebu.
Ang midaog mao ang Heartvit, Caltex Fooda, TJ Boys ug Center Harbour.
Ang Heartvit mipukan sa Lumbeach, 56-54, ang Caltex Fooda milampurnas sa Xtreme Communication sa iskor nga 59-46, ang TJ Boys mibuntog sa Crossroad TM sa iskor nga 70-62, samtang ang Center Harbour mimakmak sa Kaimito Blazer sa iskor nga 93-80.
Ang mga captain ball sa matag team mao sila si Jonas Comendador alang sa Caltex Fooda, Luther Hopida sa Xtreme Communication, Edward Alcarez sa Heartvit, Roel Bangkal sa Lumbeach, Eng-eng Rojas sa TJ Boys, Corjoe Suarez sa Crossroad TM, Rudy Bontilao sa Center Harbour ug Elyong Gomez sa Kaimito Blazer.
Ang PMODA caging gipaluyohan ni Pulpogan Brgy. Capt. Roger Linaboc ug Arlene Tongco, ang manedyer sa Reliable Recruitment Agency.
Si Jerry Narandan maoy league commissioner sa abag nilang Roel Bangkal ug Marjorie Arrofo. – BANAT NEWS