CUBA, Orlando mipukan sa ilang kontra

CEBU, Philippines – Gipangpukan sa CUBA All-Stars ug Orlando ang tagsa-tagsa nila ka kaatbang sa pagpadayon sa 2009 Cebu United Basketball Association (CUBA) First Conference niadtong miaging adlaw didto sa Our Lady of Sacred Heart Parish Gym sa dalan Escario, ning syudad.

Ang CUBA All-Star nga gipangulohan ni team captain Ramon Cataros milatigo sa mas linghod nga Shobee Bakeshop ni Christopher Osorio sa iskor nga 66-63, samtang ang Orlando mipauwan og mga puntos sa katapusang kuwarter aron pagbuntog sa Indiana sa iskor nga 74-68.

Unang nakahaon og singko puntos nga labaw ang Shobee Bakeshop sa first quarter sa iskor nga 18-13 sa unang kuwarter ug niabot pa kini ngadto sa siyete puntos, 33-26 sa halftime. 

Sa third quarter, ang CUBA All-Stars milusad og 23-11 nga rally aron pag-ilog sa labaw, 49-44 dayong sugod sa final quarter.

 Sa laing bahin, ang Orlando kanunay naggukod lakip na ang 47-56 human sa third quarter,   apan milusad kini og 27-12 rally   sa final period aron angkonon ang kadaugan.

Puntos Matag Usa

Unang duwa:

Orlando (74) - Baco 20, Macaling 12, Sarmiento 11, Chua 10, Villarin 9, Solon 6, Navarro 6

Indiana (68) - So 17, Rosal 15, Mabanto 11, Jasper 8, Martinez 7, Karol 4, Bacalla 4, Aquiende 2

Ikaduhang duwa:

CUBA All-Stars (66) - Allera 23, Yap 19, Aldo 8, Cabiluna 4, Liston 4, Tecson 4, Cañeda 4

Shobee Bakeshop (63) - Gabales 24, Yamyamin 12, Osorio 9, Miñosa 8, Riazada 5, Cortes 2, Ornopia 2, Mirafuentes 1 – BANAT NEWS