Hapee on-Line 2nd level training sugdan karon

CEBU, Philippines - Gipahibalo ni Mark Tallo, ang training director sa Hapee-Online nga sugdan karong adlawa ang second level o advance training alang sa ilang Hapee On-Line summer training camp didto sa Cogon Ramos Gym gikan sa alas 8 sa buntag hangtod alas 10 sa buntag, Lunes hangtod Biyernes.

Matud pa ni Tallo nga ang second level maglakip na sa mga scrimmages, rules of the game, team and individual offense and defense, situational game, one on one moves, mind set (focus) ug daghan pang mga pamaagi.

Ang Hapee On-Line mao lang ang bugtong training camp nga dili commercialized training dinhi sa Sugbo ug sa tibuok Pilipinas sumala pa ni Tallo. Ang maong training camp nakahimo na’g produkto nga nagduwa ngadto sa PBL, UAAP, NCAA, CESAFI, Milo, NBTC, CYBL ug karon lang bag-o, sa Jr. NBA.

Ang registration fee nagkantidad lang og P1,100 libre na ang upper uniform.

Alang sa dugang kasayoran, ang gustong mosalmot mahimong mokontak sa Online Sportswear 3475900, 4148527, 4181032, 09286544797. - Gabby G. Malagar (BANAT NEWS)