3rd Cansaga amateur boxing challenge ipahigayon na karong gabii

CEBU, Philippines – Makasaksi na sab ang mga mahiligon og amateur boxing sa kulbahinam nga aksiyon sa ipahigayong 3rd Cansaga Amateur Boxing Challenge nga giulohan og "Binukbukay sa Cansaga" karong gabii diha sa Barangay Cansaga covered court sa lungsod sa Consolacion.

Sugdan ang sinukliay sa kumo sa alas-7 sa gabii.

Adunay 20 ka paresan ang magtige ning maong boxing challenge nga gipasiugdahan sa Consolacion Boxing Academy (CBA) sa suporta ni Cansaga barangay captain Peter Cabillada ug ni councilor Rudy 'Rod Maloy' Maloloy-on.

"Way hunong ug padayon ang pagkaplag og masa arong mga amateur boxers sa Sugbu, dili lamang sa tibuok lungsod sa Consolacion, kun dili, sa tibuok siyudad ug lalawigan sa Sugbu nga mahimo natong garbo nga Sugbuanong world champion," matud pa ni Maloloy-on. – BANAT NEWS