Mayol away world title

CEBU, Philippines – Nakadawat og talagsaong kahigayonan si Rodel Mayol aron malakip sa listahan sa mga Pinoy'ng kampiyon dihang moaway kini alang sa WBO lightflyweight crown batok sa walay pildeng Puerto Rican nga si Ivan Calderon.

Ang 27-anyos nga si Mayol (25-3, 19KOs) nga gihatagan og higayon nga makig-uban nilang Nonito Donaire Jr. ug Brian Viloria isip world champions, moharong ni Calderon (32-0, 6KOs) karong Hunyo 13 sa undercard sa superfight tali ni Miguel Cotto ug Joshua Clottey didto sa Madison Square Garden sa Las Vegas, Nevada.

Mao kini ang ikatulong world title fight ni Mayol, kinsa napakyas pagsakmit sa WBC minimumweight title human mapilde pinaagi sa desisyon batok ni Eagle Den Junlaphan niadtong tuig 2006. Napakyas sab siya sa iyang ikaduhang pagsuway dihang gipakamang siya sa ikawalong hugna batok ni Ulises Solis niadtong 2007. - Lemuel P. Maglinte (BANAT NEWS)