UTASSCO nag-una na karon sa power 40

CEBU, Philippines - Nasakmit sa UTASSCO ang solong liderato human nila gibaraw ang Ave Maria Sanctuary Park sa iskor, 88-72 sa nagpadayong Power Forty Summer Basketball League kaniadtong Huwebes didto sa Inayawan Sports Complex.

Sa laing duwa, naka ipsot ang Water Market batok sa Nelly’s Farm sa iskor, 70-69 pinaagi sa duha ka free throw ni Vez Eleguin sa daginutong oras.

Ang UTASSCO naghupot na karon og 3-1 nga baraha kauban sa Ave Maria ug Water Market apan tungod sa ilang daug, ang UTASSCO karon maoy nag-una sa standings.

Nagmangtas si wilbor Cabrera kinsa mihakot ug 37 puntos aron pangulohan ang opensa sa UTASSCO samtang sila si Alex Mercado ug Roel Traya may 12 ug 10 puntos matag usa kanila.

Si konsehal Mario Tabar sa Inayawan maoy nangu sa Ave Maria sa iyang 28 puntos.  

Puntos kada usa

First Game:

Water Market (70)— Dela Rama 18, Genzon 14, Yosores 9, Escalon 8, Eleguin 8, Dumale 6, Abellana 5, Dacalos 2

Nelly’s Farm (69)—Albaño 20, Lisondra 11, Vernaiz 10, Moniva 8, Cabase 8, Gabuya 6, Sabejon 4, Nuñez 2

Second Game:

UTASSCO (88)—Cabrera 37, Mercado 12, Traya 10, Yosores 9, Nacional 9, Labajo 6, Batac 4, Yu 1

Ave Maria (72)—Tabar 28, Felicitas 13, Mosqueda 10, Fuentes 7, Kalinga 6, Romariz 3, Navares 3, Labajo 2. - Gabby G. Malagar (BANAT NEWS)