UTASSCO Utility, Water Market nagsawo sa ikaduhang puwesto

CEBU, Philippines – Nagsawo karon sa ikaduhang puwesto ang UTASSCO Utility ug ang Water Market human miposte og daog batok sa ilang tagsa-tagsa ka kaatbang sa nagpadayong aksiyon sa Power Forty Summer League basketball tournament didto sa Inayawan Sports Complex.

Ang UTASSCO milampaso sa www.fedguns.ph sa iskor nga 69-55, samtang ang Water Market naka-ikyas sa Park ‘N Go Bakeshop sa iskor nga 74-73.

Ang UTASSCO ug Water Market parehong nagbitbit og 2-1 win-loss records.
 Si Wilbor Cabrera maoy nangulo sa UTASSCO nga mibahog og 25 puntos, gisundan ni Alex Mercado sa iyang 18 puntos.

.Ang pilderong www.fedguns gipangulohan sab ni Cogon-Pardo barangay councilor Jojo Ibones pinaagi sa iyang 19 puntos, samtang si Nestor Javierto midugang og 15 puntos.
Si Joey Escalon mipabuhagay og 32 puntos aron pangulohan ang Water Market, samtang si Vestre Eleguin miamot og 16 puntos.

Sa gihapon, ang Park N' Go gipangulohan ni Michael Arias, kinsa miposa og 25 puntos.

PUNTOS MATAG USA

Unang duwa:

UTASSCO (69) - Cabrera 25, Mercado 18, Yosores 8, Labajo 6, Traya 6, Yu 4, Batac 2
www.fedguns.ph (55) - Ibones 19, Javierto 15, Abadejos 6, Mabalcon 6, Rosal 5, Villoga 2, Cabañero 2

Ikaduhang duwa:

Water Market (74) - Escalon 32, Eleguin 16, Dela Rama 9, Abellana 7, Abella 4, Dumale 4, Dacalos 1, Genzon 1

Park ‘N Go (73) - Arias 25, Dejarme 16, Layon 14, Lalican 8, Ozon 4, Rama 4, Echavez 2  - BANAT NEWS