2 ka Sugbuanong judokas naka-bronze

CEBU, Philippines – Duha ka Sugbuanong judokas mihakot og bronze medal matag usa sa 2009 National Judo Seniors Championships niadtong Domingo didto sa SM City-Marikina.

Mitiltil og bronzes mao sila si Allan Antigua ug Bryan Canillo nga pulos gikan sa University of Cebu (UC) ubos ni coach Nonoy Fernandez, ang umaabot nga judo star sa nasud.

Si Antigua mipahiluna sa ikatulo sa 60-kilograms class, samtang si Canillo miugkat og bronze sa 65 kgs. division.

Mao kadto ang labing unang higayon ni Antigua sa pakigtigi sa seniors category ug ikaduha ni Canillo.

Sa laing bahin, ang mga dekalibreng junior judokas sa Sugbu mao na sab ang mopakita sa ilang katakus sa umaabot nga National Juniors Judo Championships nga gikatakda sunod bulan sa wala pa matinong binyu. (Yoyo R. Abayan) (BANAT NEWS)