L.A vs. Utah karon

CEBU, Philippines - Padayon karon ang NBA Playoffs diin upat ka duwa ang ipahigayon sa nagkalain-laing homecourt pabor sa top 4 seeds.

Ang No. 1 sa West nga Los Angeles Lakers mo-host sa no. 8 Utah Jazz ug ang no. 2 Denver Nuggets mo-host sab sa no. 7 New Orleans Hornets.

Didto sa East, ang no. 3 Orlando Magic mo-host batok sa no. 6 Philadelphia Sixers ug ang no.4 Atlanta Hawks mo-host batok no. 5 Miami Heat.

Kagahapon, tulo ka seeded teams ang naparot lakip ang defending champion Boston Celtics kinsa miyukbo ngadto sa no. 7 Chicago Bulls sa usa ka dakung upset karon nga season, 103-105 sa overtime didto sa TD Banknorth Garden sa Boston, Massachusetts.

Bugtong ang Cleveland Cavaelirs lang ang top team kagahapon nga midaug sa ilang homecourt human ilang gibungkag ang Detroit Pistons, 102-84. Midaug sab ang no. 6 Dallas Mavericks batok sa no. 3 San Antonio Spurs, 105-97 didto sa AT &T Center sa San Antonio, Texas ug gilubong sa no. 5 Houston Rockets ang no. 4 Portland Trail Blazers, 108-81 didto sa Rose Garden sa Portland, Oregon. - GGM (BANAT NEWS)