Danao leg sa Time Out cage clinic sugdan karon

CEBU, Philippines - Ang Danao leg sa tinuig nga Time Out Basketball Clinic pormal nga sugdan karong adlawa diha sa Danao City Sports and Civic Center.

Ang training gibahin ngadto sa duha ka levels -- ang Beginners gikan sa alas-8 hangtod sa alas-10 sa buntag ug ang Advanced gikan sa alas-10 sa buntag hangtod sa alas-12 sa udto.

Mopahigayon sa tinuig nga cage clinic mao si kanhi assistant coach sa Cebu Gems sa nabungkag nga Metropolitan Basketball Association (MBA).

Si Salvaña nahimo sab nga chief bench tactician sa Misamis Oriental Meteors sa nabungkag sab nga Mindanao Visayas Basketball Association (MVBA).

Ang Time Out motutok sa mga fundamentals sa basketbol sama sa proper passing, dribbling, shooting ug footwork.

Ang usa ka bulan nga cage clinic bukas ngadto sa mga kalalakin-an ug kababayen-an nga nagpangedaron og siyete hangtod sa 17 anyos.

Aduna kini registration fee nga P1,200 matag entrante, libre na ang training jersey ug basketball.

Alang sa registration ug dugang mga kasayoran, mahimong motawag ni coach Rex Salvaña sa 0905-6554203. (BANAT NEWS)