Ave Maria 3-0 na sa Power Forty President's Cup

CEBU, Philippines - Miburak og 24 puntos si Atty. Jun Felicitas aron pangulohan ang Ave Maria Sanctuary Park, kinsa igo lang midaog og uno punto batok sa Nelly’s Farm, 72-71 ug aron sab pagkulit sa ilang ikatulong sunod-sunod nga daog sa nagpadayong Power Forty President’s Cup Summer League didto sa Inayawan Sports Complex.

Sa pasiunang duwa, nakatilaw na gyud og daog sud sa tulo ka duwa ang www.fedguns.ph dihang ilang gimakmak ang UTASSCO Utility sa iskor nga 71-68.

Gawas ni Attty. Felicitas, sila si Gogo Fuentes ug Efren Mosqueda mirehistro sab og double figures alang sa Ave Maria, kinsa nagsolo karon sa liderato sa ilang 3-0 nga baraha.

Ang Nelly, kinsa wala pa makatilaw og daog sulod sa duha ka duwa, gipangulohan ni Carding Vernaiz pinaagi sa iyang 20 puntos, gisundan ni Billy Sabejon nga adunay 17 puntos.

Si Alex Albaño mipupo og 13 puntos, samtang si Nino Nuñez miani og 11 puntos alang sa Nelly’s Farm.

Si Bobong Rosal mipabuto og 22 puntos aron pangulohan ang www.fedguns pagsakiyo sa ilang unang daog, samtang si Tata Cabañero miamot og 16 puntos.

Si Alex Mercado mibahog og 17 puntos, samtang si Wilbor Cabrera miariya og 15 puntos alang sa UTASSCO ni team owner Atty. Flor Yosores.

Puntos Matag Usa

Unang duwa:

www.fedguns.ph (71) - Rosal 22, Cabañero 16, Javierto 13, Ibones 8, Abadejos 6, Nacario 4, Mabalcon 2

UTASSCO (68) - Mercado 17, Cabrera 15, Yosores 9, Traya 7, Batac 6, Nacional 4, Abasolo 2, Filosopo 2, Yu 2

Ikaduhang duwa:

Ave Maria (72) - Felicitas 24, Fuentes 11, Mosqueda 10, Tabar 9, Navares 8, Romariz 4, Abasolo 4, Kalinga 2

Nelly’s Farm (71) - Vernaiz 20, Sabejon 17, Albaño 13, Nuñez 11, Colinares 4, Gabuya 4, Cabase 2. – BANAT NEWS