Summer Kids Sports Clinic sa Talisay

CEBU, Philippines – Ang Talisay City Sports Commission mopahigayon na sab sa ilang tinuig nga Summer Kids Sports Clinic sa managlahing mga binyu.

Mga mapangahason nga atleta adunay lima ka sporting events nga kapilian -- basketball, volleyball, lawn tennis, swimming ug table tennis.

Ang basketball ug volleyball adto ipahigayon sa Talisay Sports Complex, ang lawn tennis sa Tabunok Sports Complex, ang swimming sa Villa Teresita Resort, samtang ang table tennis didto sa Talisay City Hall People’s Hall.

Ang training camp magsugod sa Abril 20 gawas sa volleyball nga unya pa sugdan sa Mayo 4.

Ang basketball adunay registration fee nga P500 matag entrante, libre na ang jersey ug basketball, ang volleyball adunay P150, ang lawn tennis P200 ug ang swimming aduna kini registration fee nga P250.

Alang sa registration ug dugang mga kasayoran, mahimong mokontak ni TCSC executive director Engr. Jeanneth Villagonzalo sa telepono 272-2755. –BANAT NEWS