CEBU, Philippines – Pakyas si Jan Godfrey Seno sa Bogo sa iyang kampanya pagkabkab og bulawan sa 2009 Tru-flex National Age-Group Tennis Championship niadtong miaging adlaw didto sa Rizal Memorial Tennis Center.
Miyukbo si Seno ngadto ni Mimo Tomacruz sa unisex 10-under semifinals, 2-6, 4-6 ug iyang nadala ang bronze medal.
Si Seno miapil sab og kumbati sa boys 12 class diin siya mi-undang batok ni Bruce Ivan Valenzuela sa ikatulong round aron motutok sa nahabilin niyang mga duwa sa 10-under division.
Duha lamang ka Sugbuanon gikan sa SANCASE training pool ang niapil sa Tru-flex event. Ang laing usa mao si Arthur Craig Pantino. –BANAT NEWS