Aussies pwedeng import sa PBA
MANILA, Philippines - Mga Australians, maaaring maging imports sa Philippine Basketball Association (PBA).
Hindi ito posibleng mangyari mula na rin sa paanyaya ni PBA Commissioner Sonny Barrios sa ilang miyembro ng bumibisitang Hoopdreamz White Sharks ng Australia na maging reinforcement sa import-flavored conference ng liga.
“We had dinner with the Commissioner (Barrios) last night and he told us that as an incentive, he is allowing some of the Australian players to come to the PBA and play for the teams,” ani Albert Selorio, team manager ng Australian selection.
Ayon kay Selorio, nasa mga Australians, sasagupain ang Powerade-Pilipinas sa Goodwill Games sa Araneta Coliseum, kung gusto nilang maglaro sa PBA bilang imports.
“It depends on the players whether they want to play here because they will go back to their mother teams back home after the series with the RP team is over,” dagdag ni Selorio sa mga miyembro ng White Sharks.
Hindi ito ang unang pagkakataon na may bumisitang Australian team sa bansa para harapin ang RP Team. Kabilang sa mga nauna ay ang Melbourne Tigers noong 2002 at ang Sydney Kings noong 2005.
Isang Fil-Australian naman ang umaasang mapapasama sa darating na annual rookie draft ng Philippine Basketball Association (PBA) sa Agosto.
“Basketball in Australia is not that popular compared to the Philippines so I would consider coming here, depending on the opportunity,” wika ni ni 6-foot-3 Vergel Alcantara, miyembro ng White Sharks. “If the opportunity is good and everything comes into place, then I would consider coming here.”
Si Alcantara, tubong San Pablo, Laguna, ay nagtapos sa Northern Sydney Institute of TAFE sa kursong Information Technology at Network Engineering. (Russell Cadayona)
- Latest
- Trending
