Paugnat '09 gisugdan

CEBU, Philippines - Pormal na nga gibuksan   ang tinuig nga basketball league sa Alegria, Cebu nga giulohan og "Paugnat '09" niadtong Domingo sa hapon didto sa barangay Madridejos sa lungsod sa Alegria, Cebu.

Onse ka teams ang nisalmot sa maong liga nga usa sa mga highlights sa kasaulogan sa kapistahan sa ilang mahal nga patron Señor San Jose nga Mamumuo karong Mayo 1.

Natukod ang maong liga pinaagi sa mga paningkamot sa maabtikon ug kugihan nga mayor sa Alegria nga si Hon. Raul Guisadio uban sa barangay officials nga gipangulohan ni Madridejos barangay captain Hon. Patrick Guisadio.

Napahigayon sab kini sa pagpangalagad sa mga sakop sa Hijos de Jose, usa ka civic organization ubos sa maabtik nilang presidente nga si Hon. Edwin Lenizo. – BANAT NEWS