MetroSports summer camp subling gilusad

CEBU, Philippines - Gibuhi og balik sa MetroSports ang ilang summer camp nga sugdan karong Abril 13 diha sa MetroSports sa Salinas Drive sa barangay Lahug, ning siyudad.

Ang usa ka bulan nga kalihukan nga gilusad niadtong miaging adlaw diha sa Crown Regency Hotel adunay walo ka events lakip na ang capoeira ug yoga.

Lain pang events mao ang aikido, basketball, karatedo, badminton, sportsclimbing ug boxing.

Ang basketbol pagadumalaon ni kanhi PBA star ug karon University of the Visayas (UV) Green Lancers assistant coach Alfonso 'Al' Solis, samtang ang boxing pagadad-on ni Joseph Flores sa nabantog nga boxing Flores clan sa dakbayan sa Mandaue.

Lain pang mga training directors mao si Scout Tumulak sa aikido, Edwin Pajanonot sa karatedo, Ramil Kyamko ug Joseph Ricaza sa badminton, Roy Duller sa wallclimbing ug Jem Capao ug Blanch Ladesa sa yoga.

Ang registration nagkantidad og P3,500 sa capoeira ug aikido, P3,000 sa boxing, P3,600 sa basketball ug P2,500 sa yoga ug wallclimbing.

Kadaghanan sa sporting events adunay minimum nga 10 ka sessions ug maximum nga 15 ka sessions.

Usa ka mini tournament ug demonstration ang pagahimuon human sa summer camp aron pagsukod sa nakat-onan sa mga partisipante. – BANAT NEWS