Talisay beach volleyball competition sugdan karon

CEBU, Philippines - Sugdan na ang labing unang Talisay Beach Volley Competition diha sa landing site sa Poblacion, Talisay City.

Ang Talisay City Sports Commission pinaagi sa ilang tsirman Councilor Rodi Cabigas nakahuna-huna pagpahigayon sa maong kalihukan aron pagdugang og bulok sa tinuig nga "Takas sa Talisay" celebration nga magsaulog sa ika-64th ka anibersaryo sa American Liberation Day.

“Everything is ready for the first beach volley tournament in Talisay. And we want to make our beach volley court to be permanent just like in Lilo-an (Wiggy’s Beach Resort) so in one way or another it will be one of the choices when there will be sporting events like this,” matud pa ni tournament coordinator Edgardo Mabunay.

Mga partisipanteng koponan naglakip sa University of San Jose-Recoletos (USJ-R), Cebu Doctors’ University (CDU), Southwestern University (SWU), University of Southern Philippines Foundation (USPF), University of the Visayas (UV), Volley Velez, Beach Volley Spikers, ug Ladies Spikers.

Ang kampiyon mobulsa og P5,000, ang ikaduha makaangkon og P3,000 ug ang ikatulo makadawat og P2,000.

Ang non-winners makadawat og P1,000 nga consolation prize matag usa.

Gawas sa beach volley, aduna say ipahigayon nga Baruto Regatta Festival nga molamas sa re-enactment sa kasaysayan sa maong kalihukan.

Labing menos 50 ka entries ang gilaumang mosamot sa regatta festival.

Ang lumba bahinon sa duha og tulo ka grupo depende sa gidaghanon sa mga partisipante diin ang labing kusog maoy modaog sa titulo.

Dakung ganti ang nagpaabot sa top performers, samtang ang mga partisipante makadawat og gasa gikan ni race organizers nga gipangulohan ni David 'Boy' Odilao. – BANAT NEWS