Barangay Mambaling nidominar sa 16th leg sa Inter-barangay dancesport

CEBU, Philippines – Mihakot ang barangay Mambaling og tulo ka golds, upat ka silvers ug tulo ka bronzes aron dominaron ang 17th leg sa Go Ching Hai-Martina Cup and M. Lhuillier Kwarta Padala Cup Inter-barangay Dancesport Competition ning bag-o didto sa Kalunasan, ning siyudad.

Ang bulawan nga nakabkab sa Mambaling naggikan nilang Orven Miro ug Jhezreel Mae Estenor sa open youth standard, Sunrish Jive Conde ug Cheska Marie Anoza sa juvenile latin ug John Rey Jabonero ug Giselle Entice Calumba sa youth latin division.

Mitapos sa ikaduha ang Lahug pinaagi sa ilang duha ka golds ug usa ka bronze. Mitunol og mga bulawan sa Lahug mao sila si Robert Dona Alinabon ug Joanna Mie Casibo sa junior latin ug standard competition.

Ang Tejero maoy mipahiluna sa ikatulo nga dapit sa ilang usa ka gold kortesiya nilang John Paul Mocorro ug Analyn Suazo.

Mi-okupar sa ikaupat ang Buhisan sa ilang usa ka silver ug usa sab ka bronze, samtang ang Guadalupe maoy mikapyot sa ikalima nga adunay usa ka bronze. –BANAT NEWS