Yaw-Yan Ardigma summer class gitakda

CEBU, Philippines – Ang Yaw-Yan Ardigma Martial Arts Federation, Inc. andam na nga modawat og mga tinun-an alang sa ilang halapad nga summer class nga sugdan karong Abril 1 diha sa Yaw-Yan Ardigma Gym nga nahimutang sa Room 304 sa Villacampa-Capuras Building sa dalan Sanciangko, ning siyudad duol sa University of Cebu (UC)-main campus.

Ang Yaw-Yan Ardigma usa ka matang sa martial arts diin ang lawas maoy gawion isip panagang ug hinagiban. Motudlo kini sa mga tinun-an sa nagkalain-laing natad sa pagtuon sama sa suntok, patid, head and shoulder butts, siko, fighting techniques ug uban pa.

Ang programa sa Yaw-Yan maoy labing maayong tinubdan sa self-control, self-discipline ug self-confidence.

Gawas sa Yaw-Yan Ardigma System, laing mga kurso nga gitanyag ning usa ka bulan nga training program naglakip sa arnis, boxing ug Mixed Martial Arts (MMA).

"Aside from being an effective agent of weight loss, Yaw-Yan Ardigma's comprehensive training guarantees several other positive effects to our students because it also conditions their mind and body as well as builds up strength and endurance necessary for a healthy lifestyle," matud pa ni Yaw-Yan Ardigma Cebu founder and Vis-Mis director Master Benigno 'Ekin' R. Caniga Jr.

Alang sa dugang mga kasayoran, mahimong mobisita sa Yaw-Yan Ardigma Gym. Mahimo sab nga motawag/text sa 0919-8215582. –BANAT NEWS