Inter-barangay Dancesport himuon karon sa Kalunasan

CEBU, Philippines - Kapin sa 100 ka batan-on ang moladlad sa ilang talento sa dancesports karong adlawa sa 18th leg sa Go Ching Hai-Martina and ML Kwarta Padala Cup Inter-Barangay Dancesports competition nga dad-on didto sa Kalunasan.

Ang barangay Mambaling, kinsa nidominar sa 16th leg didto sa barangay Quiot gipaabot nga manghawod karon. Ang barangay Mambaling mihakot og duha ka golds, tulo ka silvers ug tulo sab ka bronzes.

Ang maong kompetisyon gipasiugdahan sa Dancesport-Team Cebu City (DTCC). – BANAT NEWS