JRU kumpiyansa pa rin na makakapasok sa finals

MANILA, Philippines - Matapos matalo sa naka­raang championship series sa three-time champions San Beda College, kumpiyansa pa rin ang Jose Rizal Uni­ver­sity na muli silang makaka­pasok sa finals ng darating na Season 85th ng National Collegiate Athletic Asso­cia­tion (NCAA) men’s basketball tournament.

Ito ay sa kabila ng pag­ka­wala sa koponan nina po­wer forward Jay Nocum at big guard Maui Pradas bunga ng ka­nilang nagamit nang NCAA playing years.

“Malaking bagay din ‘yung dalawa kasi starters sila, but I’m confident na kaya pa rin na­ming makabalik ng finals this year,” wika kahapon ni head coach Ariel Vanguardia sa kanyang Heavy Bombers na tinalo ng Red Lions sa 20­08 NCAA Finals.

Sa tuluyan nang pagka­wala nina 6-foot-8 Nigerian Sam Ekwe at 6’3 Ogie Menor sa San Beda ngayong ta­on, umaasa naman si Van­guardia na pamumunuan ng na­kuha nilang 6’8 Cameroo­nian ang Jose Rizal.

“Our new player is athletic like Njei,” pagkukum­pa­ra ni Vanguardia kay Nchotu Njei.

Hangad ng Heavy Bom­bers na maibsan ang kani­lang pagkauhaw sa korona ma­karaan ang 36 taon.

Maliban sa San Beda, iti­nuring rin ni Vanguardia na mga title-contenders ang San Sebastian College, Le­tran at Mapua, hahawakan nga­yon ni Chito Victolero ma­tapos tanggapin ni Leo Isaac ang coaching job sa Barako Bull sa PBA.

“Even Saint Benilde can be a contender since they al­ready gained enough expe­rience and have already ad­justed to coach Gee Aba­nil­la’s system. So expect a lot of action this year,” ani Van­guardia.

Bilang preparasyon sa 20­09 NCAA, nakatakdang lumahok ang Heavy Bom­bers sa ilang pre-season tour­naments simula sa susu­nod na buwan, ayon kay Van­guardia.

At sa paglahok na ito ng tro­pa ni Vanguardia sa mga pre-season, ito ang mag­bi­bigay sa kanila ng motibas­yon para sa inaasam na pag-entra sa finals.