Cebu Niños, Bravehearts magtiwas karon sa Game-2

CEBU, Philippines - Subling mag-abot ang higpit nga karibal ang defending National Champion ug third seed M. Lhuillier-Cebu Niños ug Ilocos Sur Bravehearts sa Game-2 sa ilang "best-of-five" quarterfinal series sa pagpadayon sa 2009 Smart Liga Pilipinas Conference II karong adlawa diha sa University of San Carlos (USC)-main gym.

Padayon pa nga nagkumbati sa Game-1 ang Cebu Niños ug Bravehearts sa pagsulat niini.

Ang Game-3 duwaon ugma diha gihapon sa USC. Kun adunay Game-4 ug Game-5 adto kini duwaon sa Santo Domingo People's Center sa Ilocos Sur sunod semana.

Ang modaog sa Cebu Niños-Bravehearts showdownmaoy makigsangka sa modaog tali sa Smart-Pampanga Buddies ug Trace-Laguna Stallions nga kasamtangan nagtabla karon sa ilang kaugalingon best-of-five series nga adunay 1-1 win-loss records. – BANAT NEWS