Martin daku'g natabang sa kadaugan ni Melligen

CEBU, Philippines – Giangkon ni ALA Promotions president Michael Aldeguer nga daku gyud og natabang ang American trainer nga si Tony Martin ug Roger Mayweather sa fifth round TKO nga kadaugan ni Jason Melligen batok sa Mehikanong si Gerardo Cesar Prieto atol sa ilang non-title light welterweight bout nga gipadagan sa Top Rank Promotions niadtong Domingo didto sa Mile High Stadium, Denver, Colorado.

Matud pa ni Aldeguer nga ang pag-ensayo ni Melligen ubos nila ni Martin ug Mayweather didto sa Mayweather Gym nakapahait og maayo sa talento sa 22-anyos nga Sugbuanon.

Ang ALA boxer nga si Melligen mitumba ni Prieto sa ikatulong round ug wala kini kukaluoy nga mikulata sa Mehikano sa ikalimang round hinungdan nga mi-undang kini sa ika-unom nga hugna. –BANAT NEWS