CEBU, Philippines - Milusad og mainitong rally ang Batch 2004 sa fourth quarter aron ilubong ang Yayoy's Grill and Resto Bar 2002, 92-71 sa University of San Carlos Boys High Alumni Basketball Association AtanGuardo Barkadahan Cup sa USC-North Campus gym.
Milabaw og singko puntos ang Batch 2004 paghuman sa unang kuwarter, apan ang Yayoy's Grill nanginit sa ikaduhang kuwarter aron tablahon ang iskor, 34-all sa wala pa miposte og kuwatro puntos nga labaw, 55-51 pagsud sa final quarter.
Apan mao ra kadto ang ilang maayong nahimo gumikan kay ang Batch 2004 milusad og 31-16 run sa final quarter aron pagkulit og daog.
Puntos Matag Usa
Batch 2004 (82) - Saballa 32, Ompad 18, Andone 8, Tampus 8, Quinan 4, De los Reyes 4, Mensidor 4, Ruiz 2, Mayol 2
Batch 2002 (71) - Ruiz 15, Alcoseba 14, Ynclino 14, Abellanosa 11, Move 8, Tan 8, Piza 2. – BANAT NEWS