Fabio Salsa naka-eskapo sa Arthro

CEBU, Philippines - Miagi pa og kalisud ang Fabio Salsa '92 una nila maangkon ang 70-69 nga kadaugan batok sa Arthro '95 sa kulbahinam nga aksiyon sa University of San Carlos Boys High Alumni Basketball Association (USCBHABA) Atan Guardo Barkadahan Cup didto sa USC-North Campus gym.

Walay hunong ang kakulba sa maong engkuwentro diin ang team nga makalabaw igo lang moposte og kuwatro puntos sukad kini nagtabla, 16-all hangtod na sa paghuman sa unang kuwarter.

Ang Fabio Salsa igo lang milabaw og dos puntos, 52-50 human sa tulo ka kuwarter, apan ang nakabentaha nila kay ilang matubag ang matag opensa nga pagahimuon sa Arthro.

Ang USCBHABA gipaluyohan sa Uniherb Philippines, usa sa nag-unang health companies sa nasud nga tiggama sa nabantog na kaayong food supplements sama sa Arthro, Heartvit, Diabet, Kidneycare, Eyeberry ug Athan.

Puntos Matag Usa

Fabio Salsa (70) - De Leon 23, Alcover 16, Olvido 15, Del Rosario 15, Perales 1

Arthro (69) - Cesas 18, Tecson 15, Tumakay 13, Garcia 11, Solon 7, Mata 5. – BANAT NEWS