CEBU, Philippines - Sugdan na ang pinuntingay sa third leg sa Gov. Garcia Airsoft Open diha sa Balamban.
Ubay-ubay'ng kahugpongan sa airsoft ang mosalmot sa maong kalihukan nga naglakip sa unom nga local government units nga mao ang Badian, Mandaue City, Pinamungajan, Balamban, Danao City ug Toledo City nga gipangulohan ni PB Member Ian Zambo.
Mosalmot sab ang mga bisitang koponan gikan sa San Carlos City, Negros Oriental nga gipangulohan ni Fr. Jason Marco.
Ang first leg sa Gov. Garcia Airsoft Open napahigayon niadtong Oktubre sa miaging tuig atol sa adlaw'ng natawhan sa gobernadora. Ang second leg didto gipahigayon sa Moalboal niadtong Disyembre diin ubay-ubay sab ang misalmot lakip ang LGUs sa Mandaue ug Badian. (BANAT NEWS)