6th Thirsty Football Festival mosikad karon sa CCSC
CEBU, Philippines - Ang 6th edition sa Thirsty Football Festival, usa sa labing dakung football events sa Sugbu mosikad karong adlawa diha sa Cebu City Sports Center.
Adunay 226 ka teams ang mag-ilog sa titulo sa 14 ka dibisyon.
Ang age classification sugod gikan sa Players 6 hangtod ngadto sa 40-above class.
Siyam ka teams gawas sa probinsiya sa Sugbu ang mopakita'g aksiyon ning duha ka adlaw nga kompetisyon. Kini naglakip sa Tacloban, Tagbilaran, Bacolod, Cagayan de Oro, Dumaguete, Lanao del Norte, Manila, Tanjay ug San Carlos City.
Gawas sa football, adunay photo competition alang sa mga photojournalists dinhi sa Sugbu.
Ang kampiyon mobulsa og P10,000, ang second placer makadawat og P3,000 ug ang third placer makaangkon og P2,000.
Alang sa dugang mga kasayoran, mahimong motawag ni Charlie Pages sa 0917-3238080. (BANAT NEWS)
- Latest
- Trending
