PRISAA regional meet sugdan na

CEBU, Philippines - Nagpanikad na ang perennial champion Cebu nga modepensa sa ilang korona sa pagsikad sa Private Schools Athletic Association (PRISAA) Regional Meet karong adlawa didto sa Dumaguete City.

Kapin sa 200 athletes, coaches ug officials sa PRISAA-Cebu nga makigbatok sa mga ngilngig sa Negros Oriental ug Bohol sa tulo ka adlaw nga kompetisyon.

Ang Cebu mopadala og mga entries sa halos tanang sports events gawas lang sa softball ug baseball.

Sama sa miaging tuig, modala sa Cebu mao ang champion teams sa Cebu Schools Athletic Foundation, Inc. (CESAFI).

Ang basketball squad langkuban sa mga magduduwa gikan sa University of San Jose-Recoletos, University of San Carlos ug Southwestern University.

Ang top performers sa tulo ka adlaw nga sports conclave makaangkon og katungod aron morepresentar sa Central Visayas sa PRISAA National Games karong Abril didto sa Naga City.   (BANAT NEWS)