CEBU, Philippines - Magtige sa katapusang higayon ang Amancia Brokers ug ang Assessment Division alang sa korona sa 35-above division sa 14th District Collector's Cup finals karong gabii diha sa Vicente Sotto Memorial Gym sa barangay Punta Princesa, ning siyudad.
Sa sangka sa 35-above division, ang way pildeng Mactan Hotmen ni team manager Collector Bingo Matugas ug coach Dacky Ugay nagtinguha sab nga mo-ilog sa korona dihang ilang batukan ang Office of the Commissioner (O-COM) sa ilang kaugalingong knockout finals.
Giharos sa Hotmen ang tanan nilang pito ka duwa sa elimination round ug usa na niini ang O-COM.
Pangulohan ni Collector Matugas isip sakop sa starting five, ang laing mga pambato sa Hotmen nga adunay takus pagsakmit sa korona karong gabhiona mao sila si ex-CIT Wildkitten Jumie Ararao, Marvin Sillar, Ronnie Ruiz, Pitoy Mata, Ronnie Clapano ug King Amores.
Sa laing bahin, ang MJDL Brokers makigsangka batok sa Pimentel Brokers alang sa ikatulong dapit sa 35-division. (BANAT NEWS)