CEBU, Philippines - Naka-eskapo ang Diabet '94 bitbit ang 90-86 nga kadaugan batok sa Fabio Salsa '92 sa nagpadayong aksiyon sa University of San Carlos Boys High Alumni Basketball Association (USCBHABA)-Atan Guardo Barkadahan Cup didto sa USC-North campus gym.
Sikit kaayo ang engkuwentro sa unang 20 minutos sa duwa nga miresulta sa panagtabla, 51-all sa halftime.
Ang Diabet ni team manager ug Brgy. Tisa no. 1 councilor Jeson L. Guardo, kalit lang nga nanginit sa ikatulong kuwarter aron pagposte og otso puntos nga bentaha, 75-67 paingon sa final quarter.
Bugtong nahimo sa Fabio Salsa mao ang pagkibhang sa labaw sa Diabet ngadto na lang sa kuwatro puntos kay nahutdan na kini sa oras.
Ang USCBHABA gipaluyohan sa Uniherb Philippines, usa sa nag-unang health companies sa nasud nga tiggama og food supplements sama sa Arthro, Kidneycare, Heartvit, Diabet, Eyeberry ug Athan.
DIABET (90) - Lu 27, Cabrera 26, Canares 11, Medija 9, Arnoco 9, Velayo 5, Jabonero 3
FABIO SALA (86) - De Leon 13, Inocencio 8, Campos 6, Alo 4, Eratagotia 4, Olvido 4, Visitacion 2. - Yoyo R. Abayan (BANAT NEWS)