12 teams molangoy sa 1st Osky Cup

CEBU, Philippines - Usa ka dosenang koponan gikan sa Kabisay-an ug Mindanao ang mag-ilog sa titulo sa labing unang Osky Cup Mabilog National Age-Group Swimming Competition nga sugdan karong adlawa diha sa Cebu City Sports Center (CCSC).

Ang duha ka adlaw nga kompetisyon usa sa mga kalihukan sa pagsaulog sa charter day dinhi sa Cebu City.

Sukwahi sa uban nga kompetisyon, ang swimming event gihalad ngadto sa usa ka kugihang opisyal sa dakbayan sa Sugbu nga si anhing Oscar ‘Osky’ Mabilog, kinsa naila tungod sa iyang drug prevention campaign.

Ubos sa Cebu Office for Substance Abuse Prevention (COSAP) natawo ang programang Swim Against Drugs nga gipasiugdahan ni coach Rolando Alvarez ug Beatriz Jane ‘Betchay’ Vega.

Mga kategoriya nga tigian mao ang mixed gender relay alang sa 8-anyos ug paubos, 10-under, 11-12, 13-14 ug 15-above.

May kategoriya sab alang sa differently-abled athletes. - BANAT NEWS