Montenegro-Perez tandem 'hari sa Guba Cup Dartfest

CEBU, Philippines - Naghari ang tandem nilang Steve Montenegro ug Junex Perez sa Roger and Arnel Guba Cup 2009 Open Dartfest niadtong miaging weekend sa Baseline Sports and Recreation Center.

Napuhalan nilang Montenegro ug Perez ang susama nila kabatid sa dart nga sila si Yoko Quillope ug Ronald Dequit aron pagsakmit sa titulo.

Laing naila nga local darters nga sila si Roy Laude ug Willy Abrica nalandig sa ikatulo nga dapit human gipilde ang tandem nilang Jerous Ponce ug Stephen Abrica.

Sa laing bahin, ang mga manuwaay og darts dinhi sa Sugbu malaumon nga aduna pay laing darts tournament aron mahait ang ilang abilidad sa pagpangandam alang sa mga dagkung kompetisyon. – BANAT NEWS