CEBU, Philippines - Nagpabiling lider ang Vernel team nga gipangulohan ni Danny Duran human gipukan ang Cals ni Larry Vestil, 98-82, samtang ang Colveta midaog pinaagi sa default batok sa Bucks pagtapos sa first round sa elimination sa Better-Run Basketball Association (BRBA) didto sa Ma. Gochan Sports Complex sa barangay Mambaling, ning dakbayan.
Ang Vernel naglabaw, 17-16 sa first period, apan sila si Burt Tabalin ug Jimmy Carcueva kalit nga nanginit aron inaton ang labaw ngadto sa double digits, 46-35 sa halftime.
Sila si Mon Ceballos, defensive gem Bay Villarta, Vic Gador ug Dodong Lopez nakatabang sab og daku pagpadaog sa Vernel.
Si Ceballos adunay 17 puntos, gisundan ni Villara sa iyang 16 puntos alang sa Vernel nga adunay 4-1 nga baraha ug nagtabla sa Colveta.
Ang Cavs nga adunay 2-3 nga baraha gipangulohan ni Ruel Sestoso sa iyang 18 puntos, gisundan ni Dodong Lim pinaagi sa iyang 17 puntos.
Sa laing duwa, ang Conor Express ni coach Dodong Cuarto milatigo sa Left-Over, 94-76 luyo sa paningkamot nilang Junrey Ledesma ug Dave Unabia nga nagkumboya og 43 puntos.
Si Dodong Millior mao sab ang nangulo sa Left-Over sa iyang 20 puntos.
Puntos Matag Usa
Unang duwa:
Vernel (98) - Ceballos 17, Villarta 16, B. Tabalin 12, Gador 10, Carcueva 10, Lopez 10, Cuizon 6, Martillan 4, Mosqueda 4, Duran 4, Campos 2, Dimitiman 2, Arias 2
Cavs (82) - Sestoso 18, Lim 17, Delos Angeles 16, Cabahug 11, Sarabia 8, Miego 8, Manzano 4
Ikaduhang duwa:
Conor (94) - J. Ledesma 25, Unabia 18, E. Tabalin 12, Albaño 10, Cabusas 8, Ocañada 7, Capacite 6, Romeo 4, Pumareja 2, P. Tabalin 2
Left-Over (76) - Millior 20, Salasa 14, Cañete 10, Llamado 8, Cañete 7, Valle 7, Fernandez 4, Alarcon 4, Manguinsay 2. – BANAT NEWS