Cebu - Mipatigbabaw ang tandem nilang Arnel Guba ug Jerome Perales sa 1st SK Darts Organization-Barangay Zapatera Open Doubles Dart tournament didto sa Zapatera Barangay Hall.
Gipukan nilang Guba ug Perales ang paresan nilang Junnex Perez ug Alvin Villa aron pagsakmit sa titulo.
Sila si Larry Garrido ug Yoko Quilope nahimutang sa ikatulo, samtang ang tandem nilang Roger Dequit ug Dodong Pamintuan mikapyot sa ikaupat nga dapit.
Mipahiluna sa ikalima hangtod sa ikawalo nga dapit mao sila si Jerous Ponce ug Odong Pamintuan, Lito Pepito ug Steve Montenegro, Wennie Ocañada ug Anafe Villa ug Marlito Patunob ug Roy Laude.
Mitunol sa ganting salapi ngadto sa mga mananaog mao sila si Zapatera SK chairman Pura 'Pia' Opura ug tournament director Alex Estalilla. – BANAT NEWS