Brillo, Gutierrez nanghawod sa Zamboanga

Cebu - Laing dungog ang naangkon sa Sugbuanon dihang ang tandem nilang Jusabelle Brillo ug Florian Gutierrez nanghawod sa 1st Mayor's Cup Beach Volley Competition didto sa Katipunan sa Zamboanga del Norte.

Giunay og pilde nila ni Brillo ug Gutierrez ang kaubang taga-Sugbu nga sila si Janez Armie Igot ug Marites Natad sud sa duha ka sets, 21-18, 21-16 aron langkaton ang korona.

Sila si Brillo ug Gutierrez maoy nanghawod sa ilang bracket pinaagi sa pagharos sa tulo ka duwa.

Sa crossover semifinals, sila si Brillo ug Gutierrez milatigo nilang Kennette Garces ug Che-che Bohol aron pag-angkon og luna sa finals batok nilang Igot ug Natad, kinsa mipalayas sa tandem nilang Janelle Tabio ug Rolyn Martiano. – BANAT NEWS