Philippine Yaw Yan motudlo arnis lesson sa mga tanod

Cebu - Agi'g pagserbisyo sa katilingban, ang Philippine Yaw Yan Footboxing Gym mipahibalo nga motudlo og arnis lesson nga libre niadtong mga aktibo nga tanod dinhi sa Sugbu.

Si Supreme Grand Master Julio E. Villaflores nagkanayon nga gihimo nila ang maong lakang aron mahatagan og hustong training ang mga tanod sa kabarangayan ug mas epektibo ang ilang pagsumpo sa mga dautan sa katilingban.

Sa laing bahin, ang   Philippine Yaw-Yan Footboxing league-Hurricane Temple  nangandam na karon alang sa duha ka mga dagkung torneyo didto sa Sibonga karong Marso ug sa Bantayan Island karong Abril.

Alang niadtong interesadong magkat-on sa Yaw Yan o Arnis, mahimong mobisita sa ilang bag-ong gym nga nahimutang diha sa Pari-an sa dalan Mabini, ning siyudad. – BANAT NEWS