Niños sugod na'g depensa

Cebu - Mosugod na og depensa sa ilang titulo ang reigning Liga Pilipinas national champion M. Lhuillier-Cebu Niños sa dihang ilang sangkaon ang Trace-Laguna Stallions sa pagsugod sa province’s leg sa 2009 Smart Liga Pilipinas Conference II didto sa People’s Center sa Iloilo Sur.

Ang Cebu Niños ni businessman-sportsman Michel Lhuillier ug coach Raul ‘Yayoy’ Alcoseba mosulong didto sa Iloilo Sur sa susama gihapon nga line-up nga nidaog sa katapusang conference.

Mangulo sa star-studded Cebu Niños mao ang Liga most valuable player nga si Marlon Basco uban sa mga beterano nga naglakip nilang Bruce Dacia, Stephen Padilla, Danny Aying, Jercules Tangkay ug Ron Capati.

Mokompleto sa line-up sa Cebu Niños mao sila si Jerry Cavan, Jayford Rodriguez, Mark Ababon, Ron Bucao, Ariel Mepana, Rino Berame ug Alex Cainglet.

Harungon sa Cebu Niños ang host Ilocos Sur Bravehearts ni Gov. DV Savellano ug coach Gino Manuel, ang Smart-Pampanga Buddies ni coach Aric del Rosario ug ang bag-ong gikoronahan nga GenSan Leg champions Trace-Laguna Stallions ni Erwin Genuino ug coach Nomar Isla. – BANAT NEWS