Barangay Pasil mo-host dancesport competition

Cebu - Ibalik karong hapon ang aksiyon sa inter-barangay dancesport competition nga ulohan og “Go Ching Hai and Martina Cup” pinaagi sa pagpahigayon sa ilang 11th leg diha sa Barangay Pasil.

Kapin sa 200 ka mahiligon og sayaw gikan sa Pasil ug sa ilang silingang barangay ang mopakita sa ilang abilidad sa sayaw.

Sa pagka karon, ang mga barangay nga nakapahigayon sa maong kompetisyon nga gipaluyohan sa M. Lhuillier Kwarta Padala naglakip sa Pardo, Apas, Mambaling, Tejero, Guadalupe, Pahina Central, Punta Princesa, Kamputhaw, Cogon Pardo ug Ramos. – BANAT NEWS