Ginamit ng Harbour Centre at Magnolia Purewater ang kanilang karanasan at bentahe sa taas upang igupo ang kani-kanilang kalaban sa panimula ng kanilang semifinal series sa 2009 PBL PG-Flex Linoleum Cup sa Ynares Sports Center sa Pasig.
Matagal-tagal nang hindi gumawa ng ingay sa Jerwin Gaco hanggang sa nagbida ito para sa six-peat seeking Batang Pier.
Halos hindi naramdaman ang presensiya ni Gaco sa ikalawang round ng eliminations ngunit kahapon, nanguna ang 6-foot-4 sa pagdedeliber ng 15-puntos at naasahan din ito sa depensa para sa 85-62 pananalasa ng mga Batang Pier laban sa Hapee Toothpaste sa Game-1 habang pinayuko naman ng Wizards ang Bacchus, 80-66.
Nilimitahan ng Harbour Centre ang Complete Protectors sa 12 points sa third quarter upang kunin ang 1-0 kalamangan sa best-of-five series.
Tumapos din si Gaco ng 15 rebounds para sa kanyang double-double performance.
Nalimitahan ng Harbour Centre ang mga pambato ng Complete Protectors na sina Jervy Cruz at Chris Tiu habang humakot sila ng 26-puntos sa ikaapat na quarter upang iselyo ang kanilang tagumpay patungo sa kanilang inaasam na ikaanim na sunod na titulo.